Menningin blómstrar að Hamrahlíð 17 - Útítónleikar, málverkasýning og blint kaffihús

Að Hamrahlíð 17, húsnæði Blindrafélagsins, er mikil gróska í menningarstarfi þess sólríku sumardaga. Í gær, fimmtudaginn 26 júní,  hélt Hafdís Vigfúsdóttir flautuleikari útitónleikar fyrir starfsmenn, íbúa og gesti. Og eins og ég hef greint frá áður er Halldór Dungal listmálari með málverkasýningu í húsnæði Blindravinnustofunnar, blint kaffihús er í fullum gangi á vegum Ungblindar, (sjá hér frásögn gests) 

Hér fer stutt kynning frá Hafdísi:
Hafdís Vigfúsdóttir stundar um þessar mundir nám í flautuleik í París. Líkt og farfuglarnir flýgur hún heim í sumarbyrjun með flautuna á bakinu, tilbúin að blása til sumars! Í júní og júlí mun hún starfa á vegum Hins hússins við að flytja Reykvíkingum og nærsveitungum samsuðu tónlistar frá ýmsum heimshornum s.s. Frakklandi, Argentínu og Japan. Auk opinberra tónleika í kirkjum, á listasöfnum og kaffihúsum heldur Hafdís tónleika á nokkrum af hinum fjölbreyttu vinnustöðum borgarinnar...

Eru Hafdísi færðar kærar þakkir fyrir ánægjulega tónleika sem fóru fram á svölum Costa del Hamró, eins og Ungblindar fólkið kallar nú húsnæði Blindrafélagsins að Hamrahlíð 17.